محمــد حمـــاقــى - انــا لــو اذيتــه

الســلام عليكـم ورحمــه اللــه وبـركـاتــه

نكمل تحليل الأغانى والنهارده اغنيه فعلا جميله واحساسها جميل وحكايه لشخص مجروح مر بتجربه فاشله وفيها فعلا ابداع فى الوصف واتقان عالى فى التنفيذ

محمــد حمـــاقــى - انــا لــو اذيتــه
كلمـات المبـدع - ايمــن بهجــت قمــر
تــوزيــع - تــومــا
الحــان - محمــد يحــى

محمــد حمـــاقــى - انــا لــو اذيتــه Untitl11

على فكره الأغنيه دى فعلا من اجمل اغانى حماقى وكمان لون مش موجود دلوقتى من نوعيه الأغانى الدراميه الحزينه الجميله فعلا واللى معموله بإتقان وتلفت انتباهك من اول مره وده شئ صعب انه يحصل
طبعا بتبدأ الأغنيه بموسيقى هاديه جدا دائما بنشوف الموزعين بيستخدموها مع الكورال وراء المطرب لكن المره دى توما بدأ بيها علشان توحى بمدى الجرح وكمان الوحده وتعطيك احساس بأنك تبدأ فى التفكير شويه وتشغل خيالك وبعدين تدخل عليها صوت الكمنجات وهى اصوات مش لايف اصوات كمنجات مصطنعه ومنها بيبدأ يدخل حماقى وهو بيعبر عن شخص مجروح ويكلم نفسه ويقول
"انا لو اذيتة كان عملى زيادة عن كدة اية"
طبعا هنا حماقى بيسأل نفسه ويقول انا لو اذيته او جرحته كان هيعمل ايه وبيسأل عن رد فعل حبيبه لما ينجرح او ينظلم وده بيعطى احساس بشده الجرح اللى اتعرض له ومدى المعاناه وده واضح من صوت حماقى ويكمل
" بالعكس عمرى ما خدت منة نص اللى انا بدية "
وهنا بيبين لنا مدى الحنان والعطف اللى موجود عنده وانه دائما بيحاول يعمل اى شئ يرضى بيه حبيبه ودائما بيعطى له كل شئ دون اى مقابل او بيكون مقابل حنانه جفاء وجرح وظلم ويكمل ويقول
" كان عايز اية موتنى يعنى يرتاح وانا مجروح "
والكوبليه ده بيأكد معنى الكوبليه اللى فات وكمان بيوضح مدى انانيه وظلم الحبيب له وكمان مدى معانانته فى ان حبيبه سابه مجروح وحب يبعد ويكون مرتاح ويكمل حماقى
" دة مشافش غير حنية منى مشافش غير الخير وانا لو قتلو حد اسهل من كدة بكتير "
ده فعلا من اقوى الكوبليهات فى الأغنيه واللى ابدع فيه ايمن بهجت قمر وبيدل على قمه العطاء اللى كان بيبذله لأرضاء حبيبه وانه دائما بيعطى له كل الأخلاص والحنان وبيوضح مدى ظلم حبيبه لما بيقول انه لو قتلو حد اسهل من كده بكتير رغم ان فيها مبالغه إلا انها قدرت تعبر عن مدى الجرح اللى بيعانيه وكمان بيقول انه لو كان قتلها حد مكنتش هتعامله المعامله دى وبيكمل تانى ويقول
" خايف ليعرف قيمة اللى فى ايدو لما يروح"
وطبعا هنا الخوف ان حبيبه ميعرفش قيمته إلا لما يكون ضاع من ايديه والكوبليه ده دائما بنسخدمه لما تكون عندك شئ غالى جدا فى ايدك ومتعرفش قيمته إلا لما يضيع منك وهنا بيبن مدى الظلم والتسرع لما اتخذت الحبيبه قرار البعد وانه متأكد انها هتندم وخوفه عليها من الندم لما يكون خلاص فات الوقت وضاع من بين ايديها ويكمل
" عموما يلا مش فارقة ومش خسران عشان اعرف دلوقتى انا الكسبان دة يوم بدرى يريحنى وانا بنساة ومش يمكن لو انا كملت اعيش ندمان "
وهنا توما استخدم الكوبليه ده فاصل فى الأغنيه دائما وكمان هنا بيركز ايمن بهجت قمر على نقطه مهمه جدا ان هو قادر ينسى وكمان بيوضح مدى قوته وانه يقدر ينساها وكمان ان ميظهرش لينا اى ضعف بالعكس هنا بيوضح رغم قساوه الجرح إلا انه قوى وقادر على النسيان وبيعلل موقفه ويقول مش يمكن لو كنت كملت واستمرت العلاقه دى اعيش ندمان وكمان بيخليها سبب انه ينساها من غير مايعانى من الألام النسيان ويكمل ويقول
" لو غلطة منى مين يقول لى انا طب غلطت فى ابة "
والكوبليه دى فعلا فيه ابداع من ايمن بهجت قمر وهو حول نفسه بكل بساطه من مرحله حواره مع نفسه ليبدأ يحاور الناس اللى حواليه ويسألهم لو هو كان غلطان يقولوا هو غلطان فى ايه ويكمل ابداع ايمن بهجت فى الكوبليه اللى بعده وهو بيقول
" طبيعى لما تحب حد تكون مامن لية "
تحس هنا الكوبليه ده فيه فلسفه او حكمه وهو ان لما بتكون بتحب حد اكيد بتكون واثق فيه وده حاله وقد ايه كان واثق فيها لكن حبيبته خانت الثقه دى وضيعتها
" قصر الكلام هيفيد باية خلاص كلامى علية "
وهنا طبعا بيقول خلاص الكلام مش هيفيد ولا هيرجع اللى راح
وبيكمل ويقول
" زمانو رتب كل حاجة وعاش حياتو خلاص مش فارقة عندو اى عشرة بينا ولا احساس "
طبعا الطبيعى لما بتكون خارج من علاقه فاشله بتبدأ تسأل ازاى هتكون حياتك وازاى هتعيش من غير حبيبك وده فعلا اللى بيعمله حماقى فى الكوبليه ده وبيسأل كمان حبيبته ازاى هتكون حالتها هى كمان لكن بيجاوب على نفسه ويقول انها خلاص زمانها عملت حسابها ورتبت كل حياتها وهو مش موجود فيها وان حبيبته مش فارقه عندها اى عشره او اى ذكرى كانت بينهم وهنا بيوضح اكتر قد ايه حبيبته دى ظالمه وكمان معندهاش اى احساس وانها بالعاميه مش بتفكر غير فى نفسها ومش هامها اى ناس او مشاعرهم لما تجرحهم
" وانا مش هوقف حياتى الدنيا مليانة ناس "
الكوبليه ده فعلا كان احساس حماقى عالى فيه جدا وكمان ايمن بهجت قمر بيأكد الكلام اللى فات وهو انه هيقدر على الجرح وهيكمل حياته وبيضيف برضه حكمه جديده وهى ان الدنيا مش بتقف عند حد وان الحياه دائما بتستمر ومش كل الناس بتكون ظالمه واكيد هيقابل ناس افضل وهيبدأ يرتب حياته الجديده وهى مش فيها ويكمل كلامه
" عموما يلا مش فارقة ومش خسران عشان اعرف دلوقتى انا الكسبان "
علشان يأكد المعنى السابق ويلغى احساس الضعف اللى كان موجود فى اول الأغنيه
وبتنتهى الأغنيه بموسيقى جميله جدا توحيلك بمدى الألم وتنقلك احساس الظلم
فعلا الأغنيه رائعه جدا بدايه من المبدع ايمن بهجت قمر مرورا بتوما اللى ابدع فى الأغنيه دى بصراحه ومن ثم حماقى واحساسه الواضح والرائع ده غير لحن محمد يحى اللى فعلا عمل حاله جميله للأغنيه
واسف فعلا على الأطاله واتمنى التحليل يكون عجبكم

انا لو اذيته - محمد حماقى

المفروض ياعم ريناد
ان الموضوغ ده يطحط فى قسم كلمات الاغانى
شكرا
اوعى تزعلى انا بقول راىى

سلاموز

هههههههههههههههههههههههههههههههههه

طب انقلوااا يامعلم

مش عامل نفسك ادمن

باااااااااااااااااااااااااااااااى انت