شباب مصر في خطر !!!!!

عضو نشيط عدد الرسائل : 47

المعلومات دي وصلتني دلوقتي من موقع
(مصراوي) الإخباري الشهير، و خليت نفوخي يشيط و يولع و الدنيا تلف من حواليا و الدم بقى يجري في عروق زي البركان لما يثور:

(أنت تامر ولا عمرو ؟ سؤال أصبح قاسم مشترك بين الشباب تجسد الحالة الغنائية والصراع على لقب النجم الأول في الشعبية بين عمرو دياب وتامر حسني .
وهو الصراع الذي بدأ يتحول إلى حرب حقيقية بين جمهور النجمين استخدموا فيها كل الأشكال بداية بين صراع الاستفتاءات والـ sms والحرب الإلكترونية ووصلت إلى حد الانتقادات والهجوم العلني ولعل البلاغ الأخيرالذي حرره تامر حسني في قسم القاهرة الجديدة ضد طالبة في جامعة خاصة إتهمها فيها بإرسال رسائل على هاتفه الخليوي تحوي عبارات سب وقذف له ولوالدته مطالباً بإنقاذه منها.
أكد أنه لا يعلم شيئاً عنها وأنكر صلته بيها وطالب بإتخاذ الإجراءات القانونية بحقّها .
أحباء النجم الشاب لم يفوتوا الفرصة واتهموا الفتاة بأنها من جمهور عمرو دياب وإنهالوا بالنقد والتجريح لم تسول له نفسه المس بنجمهم المحبب في الوقت نفسه دافع جمهور عمرو دياب عن أنفسهم.
أكد جمهور عمرو دياب بأن المقارنة مرفوضة بين النجمين فعمرو تاريخ طويل يقترب من 18 عاماً في عالم النجومية والغناء لذا فالمقارنة مع نجم لم تتجاوز نجوميته ثلاث سنوات ظالمة واتهموا جمهور تامر حسني بأنهم مجموعة من المراهقات لا يملكن سوى الهوس بالأغاني السطحية " كما يردد جمهور عمرو دياب".

الحرب بين جمهور النجمين أصبحت علنية ولعل الحرب الإلكترونية التي اندلعت مؤخراً والتي سميت بحرب المواقع هي أشدها سخونة فقد أطلق البعض موقعاً للهجوم على تامر حسني أطلقوا عليه اسم كارهوا تامر حسني .
قاموا فيه بمهاجمة تامر حسني وأغنياته والتشكيك في وطنيته بعد القضية الشهيرة التي كان قد تعرض فيها للحبس بتهمة (تزوير شهادة الخدمة العسكرية)، لكن بعض محبي تامر ومعجبيه ردوا بموقع آخر يشرحون فيه الخدعة التي كان قد تعرض لها تامر في هذه القضية والحرب التي يتعرض لها باستمرار من أعداء النجاح، ويشيرون إلى حفلاته التي تشهد دائماً إقبالاً جماهيرياً غير متوقع.
تامر من ناحيته أكد إنه لا يتهم أحداً بالوقوف وراء حملة الهجوم عليه في الإنترنت مثلما لا يطلب من أحد الدفاع عنه وأن هذا يقوم به جمهوره بدافع الحب فقط.
الرد الدبلوماسي للنجوم وإلقائهم الكرة في ملعب الجمهورالذكي الذي يعبر عن حبه لنجمه بل ويساعد في توجيهه وللأسف الشديد أصبحت الغيرة والعصبية والضرب تحت الحزام هي شعار عالم الغناء والطرب لذا فليس غريباً أن يستوقف أحد ما على غرار المصطلح الكروي الشهير "أنت أهلاوي أم زملكاوي "أو على غرار الشعار الذي قسم به بوش العالم " أنت معانا ولا معاهم " أو أنت تامر ولا عمرو .
واحذر النتائج الوخيمة إذا لم تكن من أنصار من استوقفك.)

ادي الشباب ولا بلاش ....

شباب مصر....

أمل و مستقبل بلدنا ......

أدي أهم إهتمامتهم.....

مين اللي يكسب و يبقى نجم......

مين اللي يبقى الأشهر.......

الله يلعن أبو دي شهرة على أبو ده فن اللي خلانا عاملين زي المعيز بنتساق من راعي أضبش و أطرش...

ملعون أبو الفن على الفنانين على الصراع الفني، ملعون أبو كل حاجة نزعت من جواننا إحساسنا بالمسئولية و بمشاكل بلدنا و ببلاويها و قرفها....

دلوقتي أقدر أقول بعلو صوتي لكل جيوش العالم .....

أتفضلوا يا جماعة.... (مصر) مابقيتش مقبرة، بقيت مرتعة لكل الفاسدين و المنحطين....

أدي اللي بيقولوا عليهم شبابنا و بناتنا اللي المفروض أنهم كدة شباب متحضر، و شباب ذكي و متطور و كمان متسلح بتدين من نوعية خاصة على رأيي مذيعة التليفيذيون إياها (دين مودرن).....

أدي نص شباب الطبقة الراقية بيجروا ورا المزيكاتي اللي بيجيب كل خلاعة في كل كليباته....

و أدي النص التاني بيجري ورا الخاين ولو لفين راح، بعد ما بقيت شهرته إرتفعت للنجوم، بسبب خيانته لبلده و لدينه.......

و أدي الشعب المكبوت الغلبان المغلوب على أمره، مبقاش وسط كل الهلس ده لاقي حتى لقمة العيش و لا لاقي الكسوة و لا لاقي الستر على العرض و الشرف....

و شبابنا بردو مهتم بالهلس و المسخرة.....

و أدي الطلبة الغلبانين اللي بيتخرجوا من كلياتهم بتقدير (إمتياز) و مابيتعينوش في كلياتهم علشان ولاد و قرايب الدكاترة واكلينها من قبل ما يتخرجوا والعه......

و شبابنا بردو مهتم بالهلس و المسخرة.....

و أدي الحكومة اللي خربتها و عملت تل فوق كل التلال و قعديت عليه و رحرت و هي بتغني كل شعب (مصر) أغنية من تأليف المنظفاتي منظف جيوب المصريين / (أبوك السقا مات....)، و وراه نظام فاسد و ماجن، هايورث بالذوق و بالعافية و بالعين الحمرا علشان يربي الشعب (ولاد الكلب) هايلغي الدعم علشان كله ينخ و يركع للملك المتوج على عرش عيلة (حس حس..)

و شبابنا بردو مهتم بالهلس و المسخرة.....

و أدي الناس اللي قربت تموت بعض على طابور العيش قدام الأفران البلدي علشان شوية عيش مليان رمل و ظلط و مايسويش تعريفة.....

و شبابنا بردو مهتم بالهلس و المسخرة.....

و ادي الناس اللي قربت تدبح بعض علشان الوقف قدام الجمعيات الإستهلاكية علشان الفراخ اللي إختفت من الأسواق بفعل فاعل، علشان تجار البلطجة و الجشاعة و غيرهم اللي بلعوها و العة علشان حكاية (أنفلونزا الطيور).......

و شبابنا بردو مهتم بالهلس و المسخرة.....

و أدي الإعلام اللي ماليه كلاب السلطة في التليفيزيون و عمال يهلل و يهتف و يقول (ماتقولش إيه إديتنا مصر .... قول هاندي إيه لمص) و البلد عال العال و دوام الحال هايفضل دايما معانا محال.....

و شبابنا بردو مهتم بالهلس و المسخرة.....

و أدي صحافة المعارضة اللي أغلبها مالهمش هم و إهتمام غير الصويت و الولوة و العياط و الصريخ، و الإتهام بالعمالة لكل اللي يضرب أي حد من الإخوان....

و شبابنا بردو مهتم بالهلس و المسخرة.....

و أدي الشعب اللي عايش في الأرض زي ثور الله في برسيمه، ماهواش فاهم حاجة و لا عايز يفهم حاجة....

و شبابنا بردو مهتم بالهلس و المسخرة.....

و أدي العبد لله اللي بيتحرق من جواه بنار ولا نار جهنم الحمرا، على بلد بتتخرب مليون مرة كل يوم و لسه هاتتخرب بكرة و بعده و لسنين قدام مليار مرة كل يوم....

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالا

لا و 80 مليون لا

بإسم (مصر) و بإسم أهلها و ناسها الطيبين بقول بعلو صوتي لا.....

بإسم غضب أعظم شعب في الدنيا، و أحلى بلد في الكون لا..........

بإسم ال2000 شهيد من شهداء العبارة بقول بعلو صوتي لا.......

بإسم شهداء كل قطارات الصعيد المميتة بقول لا.......

بإسم 100 ألف شهيد من شهداء حرب تحرير سيناء بقول بعلو صوتي لا.....

الشعب هايفضل باقي، و أنتوا هاتفضوا منسيين، و (مصر) هاتفضل عايشة و أنتوا هاتموتوا بمؤامراتكم محروقين ......

مهما ان طال الزمن ..... مهما أن كترت المحن و زاد الألم و تكاترت أصوات هزيمة كل نغم....

(مصر) هاتفضل عايشة غصب أن عين ولاد البياعة و غصب أن عين ولاد الكدابه و النصابة و الأفاقة...

خلاص .... خلص الكلام ....

موضوع: رد: شباب مصر في خطر !!!!! 5/2/2008, 5:11 pm

عارف المشكلة في إيه روحية ؟

أننا مابنتعلمش نعتمد على نفسنا علشان نطور و نتقدم

و علشان كدة هانفضل دايما في الخلف عايشين على بطولات الماضي من غير ما نتعلم منها....

لكن...

لسه الأمل مستمر .....

و لسه حرب (التقدم و التطور) ماخلصتش....

و البلد دي ممكن تتقدم لو شعبها و أهلها عايزينها تبقى أحسن بلد في الدنيا بجد....

بس السؤال هو ....

هل الناس عايزة كدة فعلا ؟

ولااااااااااااااا؟

موضوع: رد: شباب مصر في خطر !!!!! 6/2/2008, 8:12 am

انا مش عارف ارد على الموضوع واقول ايه بصراحه دماغى بصراحه اتشلت من التفكير بعد قرايه الموضوع الى هقدر ااقوله دلوقتى ان مصر بقلها اكتر من 1000 سنه بتتسرق ولسه فيها خير عمار يا مصر

ومشكور جدا يا ريناد على مواضيعك بجد جميله واكيد طبعا كل واحد مصرى نفسه يفتخر ببلدة واكيد عايزة ديما فى تحضر وبخير وسلام بس هيعمل ايه يعنى مهما يقول ومهما يعيد كام واحد هيسمعله